سوسو كان مسافر وماما كانت بتنصحه قبل ما يسافر يا ترى قالو لبعض ايه؟؟؟؟؟؟؟؟
انت مسافر يا سوسو *** ايوة مسافر يا ماما
مشوارك طويل يا سوسو *** بس انتي ادعيلي يا ماما
اركب قطر يا سوسو *** لا ماركبش يا ماما
ليه مش قطر يا سوسو؟ *** ماهو بيولع يا ماما
خد الاتوبيس يا سو سو *** لا ماخدش يا ماما
والاتوبيس ماله يا سوسو *** فرامل مافيهش يا ماما
خد ميكروباص يا سوسو *** ولا ده كمان يا ماما
ماله ده كمان يا سوسو؟ *** بيتقلب يا مــــامـــا
اركب بيجو يا سوسو *** بخاف منها يا ماما
بتخاف منها ليه يا سوسو؟ *** في الترعة تنط يا ماما
خد نص نقل يا سوسو *** لاماخدهوش يا ماما
ماتخدهوش ليه يا سوسو *** ياخدو الرخص يا ماما
خد عربيتنا يا سوسو *** لاماسوقشي يا ماما
ماتسوقشي ليه يا سوسو؟ *** لوري يطسها يا ماما
اركب طيارة يا سوسو *** ده مستحيل يا ماما
دي سريعة وحلوة يا سوسو *** صاروخ يسقطها يا ماما
اركب مركب يا سوسو *** يالهوي اخاف يا ماما
والمركب مالها يا سوسو؟ *** تغرق في النيل يا ماما
اقعد في البيت يا سوسو *** لا انا مسافر يا ماما
والبيت ايه عيبه يا سوسو؟ *** يقع علينا ياماما
هاتركب ايه يا سوسو؟ *** هاركب حمار يا ماما
ماهو اصل دا اللي بيفهم *** لغة البلد دي يا ماما